ՄԱԿ-ի Անվտանգության Խորհուրդը դատապարտել է Լիբիայում ամերիկյան դեսպանատան վրա հարձակումը, որի հետևանքով սպանվել է դեսպան Քրիսթոֆեր Սթիվենսը և ևս երեք դիվանագետներ:
«Արդարացում չկա այն բռնությանը, որը տեղի է ունեցել Բենգազում: Մենք դատապարտում ենք այդ հանցագործությունը և ցավակցություն ենք հայտնում զոհվածների հարազատներին»,- հայտարարել է համաշխարհային կազմակերպության գլխավոր քարտուղարի տեղակալ Ջեֆրի Ֆելտմանը:
«Սա մեկ, բայց ոչ միակ օրինակն է, թե ինչպիսի մարտահրավերներ են կանգնած լիբիական կառավարության և լիբիացիների առջև անվտանգության բնագավառում»,- ասել է Ֆելտմանը:
Նրա խոսքերով` պատահածը դարձել է Լիբիայում չվերահսկվող զենքի շրջանառության հետևանք:
