Թբիլիսիի քաղաքապետարանը նախատեսում է քաղաքում տաքսի աշխատելու մրցույթ անցկացնել, ինչից հետո որպես տաքսի թույլ կտրվի օգտագործել միայն 2000թ.-ից հետո արտադրված մեքենաները, տեղեկացնում է Взгляд պարբերականը:
Այդ դեպքում տաքսիների սեփականատերերը պետք է տարեկան 300 լարի վճարեն արտոնագրի համար: Իշխանությունների պլաններն արդեն հարուցել են թբիլիսյան տաքսիստների բողոքը, որոնցից շատերի համար այդ գործունեությունը գոյատևման միակ աղբյուրն է:
Մրցույթի անցկացման դեպքում չի բացառվում, որ տաքսիստները կմիանան երթուղային տաքսիների վարորդների երեկ սկսված բողոքի ակցիային: Տրանսպորտային փոխադրումների այս տեսակում արդեն անցկացվել է նման մրցույթ, ինչի արդյունքում վարորդները ստիպված են բարձրացնել ուղեվարձերը: Այս բողոքը տևելու է մինչև երկուշաբթի, իսկ քաղաքում տրանսպորտային կոլապս է նկատվում. գերծանրաբեռնված են աշխատում ավտոբուսներն ու մետրոն:
