Դիետոլոգը և ակնաբույժը որոշել են միավորել ուժերը և «աչքի սննդի» բաղադրատոմս ստեղծել: Բժիշկ Քեննեթ Ֆոնգ Չոնգ Սյանը և Գու Չույ Հոնգը աչքերի հիվանդությունների վերաբերյալ համատեղ գիրք են գրել, որը ներառում է նաև այն, թե ինչպես կարող է ուտելիքը նպաստել կուրության ռիսկի փոքրացմանը:
Փաստորեն, դա խոհանոցային գիրք է, որը ներառում է նախաճաշի, ընթրիքի, աղանդերի ուտեստների բաղադրատոմսեր, փոխանցում է Meddaily-ը:
Ակնաբույժները խորհուրդ են տալիս չմոռանալ ճաշացանկի մասին, որովհետև ուտելիքների վիտամինները շատ կարևոր են աչքերի համար: Մանավորապես, արժե ուշադրություն դարձնել А, С, В խմբի վիտամինների, կալիումի վրա: Դրանք պարունակվում են թարմ բանջարեղենի, չրերի, հատապտուղների, ձավարեղենի, մեղրի մեջ:
«Աչքի սննդի» վաճառքից ստացված եկամուտը կուղղվի Մալայզիայի Կույրերի ազգային խորհրդին:
