Թուրքական Haber Türkթերթի փոխանցմամբ՝ Թուրքիայի քաղաքացիների 1/3-ը հանդես է գալիս ներկայիս վարչապետ Ռեջեփ Էրդողանի՝ նախագահ ընտրվելու օգտին: Այս մասին են վկայում Konsensus ընկերության անցկացրած հարցախույզի արդյունքները:
Հարցախույզի մասնակիցների 32.3 տոկոսը կարծում է, թե Էրդողանն արժանի է պետության ղեկավարի պոստին, 31.8 տոկոսի կարծիքով էլ երկրի ներկայիս նախագահ Աբդուլլահ Գյուլը կարող է հետագայում նույնպես շարունակել գործունեությունն իր պաշտոնում: Հարցախույզի մասնակիցների 80 տոկոսը հանդես է գալիս նաև Սիրիայում Թուրքիայի ռազմական միջամտության դեմ:
Հարցախույզն անցկացվել է Թուրքիայի 27 խոշոր նահանգներում: Հարցախույզին մասնակցել է 2403 մարդ:
Հիշեցնենք, որ Թուրքիայում նախագահական ընտրություններ պետք է տեղի ունենան 2014 թվականի օգոստոսին, որոնցում նոր նախագահին պետք է ընտրի ոչ թե երկրի խորհրդարանը, այլ՝ ժողովուրդը:
