Ինչպես հաղորդում է France Presse գործակալությունը, այսօր ՆԱՏՕ-ի անդամ երկրների դեսպանները կանցկացնեն արտակարգ հավաք, որտեղ քննարկվելու է Լիբիայում տիրող իրավիճակը, ինչպես նաև ՆԱՏՕ-ի անդամ երկրների գործողություններն այդ կապակցությամբ: Այս մասին հայտնել է ՆԱՏՕ-ի գլխավոր քարտուղար Անդերս Ֆոգ Ռասմուսենը:
«Ես հրավիրում եմ Հյուսիսատլանտյան դաշինքի արտակարգ նիստ, որպեսզի քննարկենք Լիբիայի հարցը»,- ասել է Ռասմուսենը:
«Իրավիճակը Լիբիայում մեծ անհանգստություն է առաջացնում: ՆԱՏՕ-ն պետք է քայլեր ձեռնարկի, որոնք ուղղված կլինեն դաշինքի անդամ բոլոր երկրների գործողությունների համակարգմանը, եթե որոշում ընդունվի՝ դիմելու այս կամ այն քայլին»,- ասել է նա:
