Sony ընկերությունը հայտարարել է Wonderbook: Book of Spells ինտերակտիվ կախարդական գրքի շնորհանդեսի օրը: Գրքի վրա աշխատել է Հարրի Փոթերի մասին գրքերի հեղինակ Ջոան Ռոուլինգը: Այս մասին տեղեկացնում է IGN պորտալը:
Գիրքը ԱՄՆ-ում վաճառքի կհանվի նոյեմբերի 13-ին: Առայժմ հայտնի չէ, թե երբ գիրքը լույս կտեսնի Եվրոպայում:
Ինչպես տեղեկացնում է VG24/7-ը, ընկերությունը ծրագրում է գիրքը թողարկել 3 հավաքածուով: Առաջինում կներառվի հենց Book of Spells-ը, ինչպես նաև խաղի համար նախատեսված Wonderbook-ը: Այդ հավաքածուն կարժենա 40 դոլար:
Երկրորդը կրկնակի թանկ կլինի, որում կներառվեն գիրք, խաղ, PS Eye տեսախցիկ ու PS Move կարգավորիչ (դրանք խաղալու համար են):
Երրորդ հավաքածուն կներառի այդ բոլորը՝ գումարած PlayStation 3-ը:
Wonderbook: Book of Spells-ը կներկայացվի E3-2012 ցուցահանդեսում:
Դրա հիմքում ընկած է հավելյալ իրականության տեխնոլոգիան, երբ իրականում գոյություն ունեցող առարկաները զուգակցվում են վիրտուալ օբյեկտների հետ:
Որպեսզի խաղա, օգտատերը պետք է նստի տեսախցիկի առաջ ու բացի «գիրքը», և էկրանին այդ ժամանակ Wonderbook-ից դուրս կգան տարատեսակ առարկաներ: Book of Spells-ի սյուժեն ընդհանրություն ունի Հարրի Փոթերի մասին ֆիլմի հետ:
