Թուրքական Yurt թերթը, վկայակոչելով նախագահի շրջապատում ունեցած մոտ աղբյուրներին, հայտնել է, որ օգոստոսի վերջին Թուրքիայի նախագահ Աբդուլլահ Գյուլին թունավորել են: Օգոստոսի 22-ի գիշերը Աբդուլլահ Գյուլը պաշտոնական այցով ժամանել է Բիշքեկ, իսկ հաջորդ օրը՝ օգոստոսի 23-ին, Գյուլը մասնակցում է Թյուրքալեզու երկրների համագործակցության խորհրդի երկրորդ գագաթնաժողովին:
Սակայն նույն օգոստոսի 23-ի ցերեկը նա վերադառնում է Անկարա՝ մեկ օրով կրճատելով իր պաշտոնական այցը: ԶԼՄ-ների հաղոդմամբ՝ դրա պատճառը նրա ականջների քրոնիկ վարակն է եղել: Մինչդեռ Yurt թերթի տվյալներով՝ օգոստոսի 23-ին տեղի ունեցած պաշտոնական ճաշից հետո Գյուլը փակվել է առանձին սենյակում:
Գյուլն այնտեղ գլխապտույտ է զգացել և ընկել գետնին: Նախագահին ստիպված են եղել անհապաղ ուղարկել Անկարա, ուր նրան անմիջապես տեղավորել են Հաջիթափեի համալսարանի հոսպիտալում: Թուրքիայի նախագահի մամլո ծառայությունը հերքել է Yurt թերթի հրապարակումը՝ այն որակելով որպես «ոչ իրատեսական»: Աբդուլլահ Գյուլը հիվանդանոցից դուրս է գրվել միայն սեպտեմբերի 1-ին:
Իսկ թուրքական Hurriyet Daily News թերթը գրել է, թե օգոստոսի 23-ին Ղրղզստանից Անկարա վերադառնալուց հետո վիրահատել են Գյուլի ականջը:
