ԱՄՆ աջակցություն է ցույց տալու Մոլդովային Մերձդնեստրյան հակամարտության լուծման հարցում: Այսպիսի հայտարությամբ է հանդես եկել Մոլդովայի, Ուկրաինայի և Բելառուսիայի հարցերով ԱՄՆ պետդեպարտամենտի վարչության ղեկավար Բաքսթեր Հանտը մոլդովական պառլամենտի նախագահի տեղակալ` Վ. Պլախոտնյուկի հետ հանդիպման ժամանակ: Հանդիպմանը ներկա են եղել նաև ԱՄն այլ պետական այրեր, քննարկվել է Մոլդովայի հարաբերությունները ԱՄՆ, Եվրոպական միության երկրների և հարևան պետությունների հետ:
«Մոլոդվայում տիրող քաղաքական կայունությունը վկայում է, որ այս երկիրը հանդիսանում է տարածաշրջանային հաջողության և նույնիսկ «Արևելյան համգործակցության» հնարավոր թեկնածու», – հայտարարել է Հանտը: Նրա կարծիքով՝ սա ևս մեկ պատճառ է, որ Պետդեպարտամենտն աջակցի ԱՄՆ կոնգրեսին Մոլդովայի նկատմամբ Ջեքսոն-Վենիկի ուղղումը չեղյալ հայտարարելու մասին որոշում կայացնելու հարցում:
Մոլդովայի պառլամենտի նախագահի տեղակալ Պլախոտնյուկը հայտարարել, որ Մերձդնեստրյան հակամարտությունը կարող է լուծվել միայն բանակցային ճանապարհով ` Մոլդովայի տարածքային ամբողջականությունը պահպանելու միջոցով:
Ավելի վաղ, սույն թվականի օգոստոսին ԱՄՆ նախագահ Բ. Օբաման հայտարարել էր, որ Վաշինգտոնը կօգնի Քիշնևին Մերձդնեստրյան հակամարտության լուծման գործում` պահպանելով անկախությունը, ինքնիշխանությունը և հանրապետության տարածքային ամբողջականությունը:
