Christie’s աճուրդների տունը նոյեմբերի 3-ին վաճառքի կհանի մոտ 85 լոտ` «Իմպրեսիոնիզմ եւ մոդեռնիզմ» խորագրով, որից ակնկալում է ստանալ $200 մլն: Տարածված հաղորդագրության մեջ ասվում է, որ վաճառքի կհանվեն Անրի Մատիսի, Խուան Գրիսի, Խոան Միրոյի, Ալբերտո Ջակոմետտիի, Գյուստավ Կայբոտի, Ժորժ Սերայի եւ Պաբլո Պիկասոյի նկարները:
Ամենաշատը Christie’s-ի ներկայացուցիչները ցանկանում են ստանալ Խուան Գրիսի` 1913թ. կուբիզմի ոճով նկարված «Ջութակն ու կիթառը» նկարը: Մասնագետները կարծում են, որ այդ կտավի գինը կարող է հասնել $ 18-25 մլնի:
