Եգիպտոսում ոստիկաններն արցունքաբեր գազ են կիրառել շուրջ 100 մարդուց բաղկացած ցույցը ցրելու համար, որոնք փորձել են գրոհով վերցնել Կահիրեում Սիրիայի դեսպանատունը: Այս մասին հաղորդում են տեղի ԶԼՄ-ները:
Ակտիվիստները փորձել են Սիրիայի ազգային դրոշը փոխարինել ապստամբների դրոշով: Ոստիկանները և ակտիվիստները միմյանց վրա քարեր են նետել, հարձակման 5 մասնակիցներ ձերբակալվել են:
Դեպքը տեղի է ունեցել Արաբական պետությունների լիգայի՝ Սիրիայի հարցով նիստից առաջ: Եգիպտական MENA գործակալությունը գրում է, որ Սիրիայի դեսպանատուն շարժվելուց առաջ ցուցարարները հավաքվել են Կահիրեում ԱՊԼ գրասենյակի դիմաց՝ այն սիրիացիների լուսանկարներով, որոնք սպանվել են Բաշար Ասադի և զինված ընդդիմության միջև հակամարտության ընթացքում:
