Ութ անգամ ամուսնացած, երկու ակադեմիական մրցանակների արժանացած, Հոլիվուդի ոսկե դարաշրջանի դերասանուհի Էլիզաբեթ Թեյլորի՝ մահվանից մեկ ամիս առաջ հանրության հետ ունեցած վերջին հաղորդակցությունը եղել է Քիմ Քարդաշյանի հետ թուիթը:
Ռեալիթի հեռուստատեսության թագուհին այսօր երախտիքի խոսքեր է հնչեցրել իր կուռքի հասցեին: Նա իր թուիթը տարածել է լուսանկարով, որտեղ նրա հագին Էլիզաբեթ Թեյլորի տված զգեստն է: Դրանով դերասանուհին խաղացել է «Կլեոպատրա» ֆիլմում: Այս մասին հաղորդում է The Daily Mail-ը:
Թեյլորը, որը 2011-ի մարտին մահացավ 79 տարեկանում սրտային անբավարարությունից, զգեստը ժամանակավորապես տվել էր Keeping Up With the Kardashians ռեալիթի շուոի աստղին՝ սեքսուալ ֆոտոսեսիայի համար: Այդ լուսանկարները հայտնվել են Harper’s Bazaar ամսագրում՝ Թեյլորի մահվանից կարճ ժամանակ առաջ:
Նշենք, որ Թեյլորը «Կլեոպատրա» ֆիլմում (1963 թ) 65 զգեստ է փոխել և ընդգրկվել Գինեսի ռեկորդների գրքում:
