Թիապարտ ստրուկի՝ Պուտինի կյանքն ու ունեցվածքը (լուսանկարներ)

Այն ներկայացնում ենք ստորև.

«Ես չեմ ամաչում քաղաքացիներից, որոնք քվեարկել են իմ օգտին: Ողջ 8 տարիների ընթացքում  ես աշխատել եմ ինչպես թիապարտ ստրուկ: Ես գոհ եմ աշխատանքիս արդյունքներից». Վ.Պուտին (2008 թվական, փետրվարի 14, Կրեմլ, մամլո ասուլիս)

Ներածություն

Պուտինը Ռուսաստանը ղեկավարում է ավելի քան 12 տարի: Դա ավելին է, քան Ելցինի և Գորբաչովի ղեկավարման ժամանակը:  Պուտինի վերադարձը Կրեմլ և  երկիրը նոր ժամկետներում ղեկավարելու կրքոտ ցանկությունը խոսում է այն մասին, որ  նա մտադիր է առաջ անցնել Բրեժնևից (Լեոնիդ Իլիչը ղեկավարել է 18 տարի) և ղեկավարման տևողությամբ մոտենալ Ստալինին:

Ժողովրդականությունը կորցնող Պուտինը  մոլագարի պես կառչել է իշխանությունից: Հասկանալի է, թե ինչու. Նախ՝ վախենում է կորցնել ազատությունը, կապիտալներն ու ունեցվածքը, երկրորդ՝ նրա ընկերները, որոնք դարձել են աներևակայելի հարուստ, նույնպես հետաքրքրված են նրա ղեկավարման շարունակությամբ: Սակայն ամենալուրջ պատճառներից մեկը, որը ստիպում է Պուտինին մնալ իշխանության ղեկին, հարստության և շքեղության մթնոլորտն է, որին նա արդեն սովորել է և որից հրաժարվել չի ցանկանում:

Խղճի խայթ առ այն, որ այդ շքեղությունը ֆինանսավորվում է հարկատուներից, նրան չի տանջում: Ոչ անկախ խորհրդարանը, ճնշված ԶԼՄ-ները և վերահսկվող դատարանները Պուտինի կենսակերպի թեման քաղաքացիների մեծամասնության համար անհասանելի են դարձնում: Հասարակությունում այդ թեմայով քննարկում գործնականում չկա:

Պետության ղեկավարի ճոխ կյանքն ընթանում է ռուսական ճչացող խնդիրների ֆոնին՝ Ռուսաստանը նախկինի պես «մահանում» է. մահացությունը  Պուտինի ղեկավարման 12 տարիների ընթացքում բարձր է եղել ծնելիության ցուցանիշից, և երկիրը արդեն ավելի քան 5 մլն մարդ է կորցրել: Երկրի գործարար և առօրյա կյանքում կոռուպցիայի մակարդակը աճել է, իսկ Ռոսաստանի հումաքային կախվածությունը՝  խորացել:

Սրանց զուգահեռ դեգրադացիայի են ենթարկվում կրթության և առողջապահության համակարգերը:

 

Դիտե´ք ստորև ներկայացվող գրաֆիկները

 

 Սակայն Պուտինին ոչինչ չի հուզում: Նա անամոթաբար հրապարակում է եկամուտների մասին իր հաշվետվությունները՝ երկրին ու աշխարհին հայտարարելով, որ իր պաշտոնական եկամուտը չի գերազանցում 100 հազար դոլարը, սակայն վարած կյանքը կարելի է համեմատել Պարսից ծոցի երկրների միապետերի և ցուցամոլ օլիգախների կյանքին:

Սկսենք պալատներից…

 

Պալատներ

Պուտինն իր տիրապետության տակ ունի 20 պալատ, առանձնատուն, նստավայր: Համեմատության համար՝ ԱՄՆ նախագահն ունի 2 նստավայր, նույնքան նստավայր ունի Գերմանիայի ղեկավարը, Իտալիայի ղեկավարն ունի 3-ը: Նշենք, որ 9 պալատները  ի հայտ են եկել  Պուտինի ղեկավարման ժամանակ: Այդ կերպ՝ Ռուսաստանում  նստավայրերի առանց այդ էլ անպատեհ թիվը Պուտինի օրոք գործանականում կրկնապատկվել է:

1.Նովո-Օգարեվո

Տեղակայված է Ռուբլյովո-Ուսպենսկոյե մայրուղուն կից անտառում՝ շրջակա միջավայրից առանձնացված է  6 մետրանոց պարսպով: Տարածքում  կան ջերմոցներ, թռչնաբուծարան, լողավազան, մի քանի բնակելի շինություն, ուղղաթիռային հարթակ, ձիանոց:

  

2. Բոչառով ռուչեյ

Նախագահի ամառային վիլլան է Սոչիում: Այն իրենից ներկայացնում է ստալինյան դասական ոճով կառուցված երկհարկանի շինություն:  Վիլլան ունի ուղղաթիռային հարթակ, երկու լողավազան (ծովի ջրով), մարզասահ: Լողափում տեղ է հատկացված նախագահի զբոսանավի խարսխման համար:

  

  

 3. Դոլգիե Բոռոդի

Նախագահի տունն է Վալդայ լճի թերակղզում (Նովգորոդի շրջան): Մակերեսը՝ 930 հա: տարածքում կա «նախագահական» եկեղեցի, բաղնիք, երկու ռեստորան, կինոսրահ, բոուլինգի սրահ, ուղղաթիռային բետոնապատ հարթակ: Սպասարկող անձնակազմի թիվը գերազանցում է  100-ը:

 

 

4. Կոնստանտինովյան պալատ

XVIII դարի ճարտարապետության հուշարձան է՝ տեղակայված Սանկտ Պետերբուրգից ոչ հեռու (2003 թվականից՝   «Կոնգրեսների պալատ» պետական համալիր): Ավելի քան 40 շինություններից կազմված համալիրը և 140 հա տարածքը վերակառուցվել են 2003 թվականին՝ Սանկտ-Պետերբուրգի 300-ամյակի առիթով:

 

 

5. Վոլժսկիյ ուտյոս

Առողջարան է՝  Սամարայի շրջանի Վոլժսկիյ Ուտյոս բնակավայրում: Ամբողջությամբ վերակառուցվել է 2007 թվականին 3,8 մլրդ ռուբլով՝ «Ռուսաստան-ԵՄ» գագաթնաժողովին ընդառաջ: Նախագահական նստավայրն ունի 192 համարներով հյուրանոց, քոթեջներ, վիթխարի կինոսրահ, լողավազաներ, բաղնիքներ, ջերմոցներ, ձիարշավարան, ուղղաթիռային հրապարակ, լեռնադահուկային համալիր, 3000 հոգուց կազմված սպասարկող անձնակազմ:

 

 

6. Տանտալ

Եռահարկ առանձնատունը գտնվում է Սարատովից 40 կմ հեռավորության վրա: Առանձնատունն ունի լողավազան, ձմեռային այգի, բիլիարդի սրահ, բուխարի: Ինտերիերը համալրում են գերմանական ջահերը և իտալական կահույքը: Ձմռային այգուց մի քանի քայլ հեռավորության վրա է գտնվում սկանդինավյան ոճով սաունան: Տարածքում կա ուղղաթիռային հարթակ և որսորդական տնակ:

 

7. Մալիյ իստոկ

XVIII-րդ դարի կառույցը գտնվում է Եկատերինբուրգից ոչ հեռու՝ Մալո-Իսոկսկի լճակի ափին:

 

8. Սեվաստյանովի տուն

Պալատը կառուցվել է XIX դարի առաջին կեսին Եկատերինբուրգի Գոռոդսկոյ լճակի մոտ: Կառույցի վերակառուցման համար 2008 թվականին ծախսվել է 1,35 մլրդ ռուբլի, որից 150 միլիոնը՝պետերբուրգյան «МТК» ընկերությունից կահույքի գնման վրա:

9. Մայենդորֆ

Ամրոցը գտնվում է Մոսկվայի շրջանի Բարվիխա բնակավայրում՝ Պոդկուշինսկի մայրուղում: Նախկինում այն եղել է Մեյենդորֆ բարոնների նստավայրը: Այն կապիտալ վերանորգման է ենթարկվել 2003-2004 թթ-ին: 1300 քառակուսի մետր մակերեսով ամրոցի վերակառուցման վրա ծախսվել է 100 մլն դոլար՝ այսինքն՝ մեկ քառակուսի մետրի հաշվով 80 հազար դոլար (ոչ ռուբլի):

 

10. Անգարսկիե խուտորա

ՌԴ նախագահի նստավայրն է Իռկուտսկի մարզում՝ Անգարա գետի ափին: Տարածքում քոթեջների համալիր կա, թենիսի կորտեր, լողավազան, սաունա, մարզական և մերսման սրահներ: 

 

11. Ռուսիա

Նստավայր Տվերի մարզի «Զավիդովո» որսորդական տնտեսության տարածքում: Տարածքում են գտնվում հյուրանոցային համալիրը, որսորդական բազան, լողավազանները, սաունաները, նավակայանը:

 

 

12. Սոճիներ

Կրասնոյարսկից ոչ հեռու՝ Ենիսեյի գեղատեսիլ ափին գտնվող վիլանների համալիր է: Վերակառուցման ժամանակ շինությունը պատվել է Հակասիայի մարմարով: Կից գտնվող՝ գազարի դաշտում կառուցվել է ուղղաթիռահարթակ:

 

13. Պետական հյուրանոցային նստավայր

ՌԴ նախագահի նստավայրն է Սանկտ-Պետերբուրգում՝ Նեվայի դելտայում: Օբյեկտի կազմում ընդգրկված է ճարտարապետ Մելցեռի առանձնատունը և 4 առանձին շինություն, որից մեկը՝ բանկիր Սոլովեյչիկի նախկին առանձնատունն է:

 

14. Յանտար

Նախագահի աշխատակազմի պետական համալիրն է Կալինինգրադի մարզի Պիոներական քաղաքում: Նստավայրի շինարարության արժեքը կազմում է 6 մլրդ ռուբլի, ունի 5 աստղանի հյուրանոց, վարչական կորպուս: Երկու շինությունների մակերեսը 5000 քառակուսի մետր է:

 

15. Բարվիխա

Նախագահի Մերձմոսկվյան  նստավայրն է: Տարածքի մակերեսը՝ 86 հա: 2011 թվականին կահույքի և վերանորոգման վրա ծախսվել է 162 մլն ռուբլի: Ունի SPA-սրահ: Նոր կահույքի վրա ծախսվել է 30,8 մլն ռուբլի: Սպասարկող անձնակազմը բաղկացած է 337 մարդուց:

 

16. Միլովկա

Առանձնատունը գտնվում է Վոլգա գետի աջ ափին՝ Պլես քաղաքից մեկ կիլոմետր հեռավորության վրա: Այն իրենից ներկայացնում է պատմության, ճարտարապետության, XVIII դարի վերջի և XX դարի սկզբի այգեգործական արվեստի հուշարձան:

 

 

17. Գելենջիկի պալատ

2010 թվականի վերջին, երկրից հեռացած գործարար Սերգեյ Կոլեսնիկովը, որը նախկինում մոտ էր Պուտինի ընկերներին, բաց նամակ է հղել նախագահ Մեդվեդևին այն մասին, որ Սև ծովի ափին Պուտինի անձնական օգտագործման համար ավելի քան 1 մլրդ դոլար արժողությամբ շքեղ պալատ է  կառուցվում:

Արդյունքում՝ Պրասկովեեվկա գյուղում կառուցվեց ճոխ ավան: Հիմնական շինությունը կառուցված է  իտալական  ոճով՝ երկգլխանի արծվով զարդարված պալատական դարպասներով: Ունի առողջարանային համալիր,  3 ուղղաթիռի համար նախատեսված հարթակ, թեյարան, դեպի լողափ տանող վերելակներ: Կոլեսնիկովի հավաստմամբ՝ Պուտինը հատուկ ուշադրություն է դարձրել շինարարությանը, իսկ գումարները Պուտինի հին ընկերոջ՝«Озеро» կոոպերատիվի անդամ Ն.Շամալովի տիրապետության տակ են հայտնվել   կառուպցիայի և գողության միջոցով:

 

18. Պատվավոր հյուրի տնակ

Պալատը գտնվում է Փարիզի մոտ: Դրա շինարարության վրա ծախսվել է 30 մլն եվրո:  Ֆրանսիացիները, որոնց բախտ է վիճակվել գտվել ամրոցի ներսում, այն անվանել են իսկական Վերսալ: 

19. ԱԲՑ

Փակ հյուրանոցային նստավայր է: Տեղակայված է Մոսկվայի հարավում: Նախկինում եղել է Անվտանգության դաշնային բյուրոյի գաղտնի օբյեկտը:

 

20. Լուննայա Պոլյանա

VIP-առողջարան՝ Ադիգեյա հանրապետության Ֆիշթ լեռան վրա: Ոչ պաշտոնական տեղեկություններով՝ հանդիսանում է Պուտինի հերթական առանձնատունը: Պաշտոնապես այստեղ շինարարությունն արգելված է, քանի որ այդ գոտին հանդիսանում է «Արևմտյան Կովկասի» բնության համաշխարհային ժառանգության օբյեկտ: Լեռնադահուկային նստավայրը կառուցել են «Биосфера» գիտական կենտրոնի պոլիգոնի տեսքով, որը պետք է հետևի բնության արգելոցի պահպանմանը: Այնտեղ կառուցված է 4 քոթեջ, 3 ուղղաթիռային հարթակ, կապի ալեհավաքներ, անգար, կառուցվում են փոքր և մեծ ճոպանուղիներ:

 

Ավիապարկ 

ՌԴ նախագահին սպասարկող ավիապարկում ընդգրկված է 58 ավիատրանսպորտային միջոց՝ 43 օդանավ և 15 ուղղաթիռ: Ավիապարկի  ընդհանուր արժեքը 1 մլրդ դոլար է: 

Իլ-96-300պՈՒ (5 օդանավ՝ յուրաքանչյուրը 40 մլն)

Դրանցից մեկի՝ RA-96016 -ի սրահում աշխատել են ռուս ոսկերիչներն ու  նկարիչները: Մեկ զուգարանակոնքն արժեցել է 75 հազար դոլար: Օդանավերն ունեն ննջարաներ, բաղնիք, հանդիսությունների սրահ, հանգստի սենյակ և վերականգնողական կաբինետ: Այս մոդելի օդանավերից մեկի սրահը  նախշվել է Շվեյցարիայում՝ նկարիչ Իլյա Գլազունովայի որդու էսքիզներով:

 

Airbus ACJ319 RA-73025  (105 մլն դոլար)

19 ուղևորի համար նախատեսված օդանավի սրահի դիզայնը մշակել է Airbus Corporate Jet Centre-ը: Ուղևորների խցիկը բաժանված է երեք սրահի: Օդանավում կա զրուցասենյակ՝ հսկա հեղուկբյուրեղյա դիսփլեյներով և հատուկ կապի միջոցներով: Ինտերիերում օգտագործված է բնական կաշի, մարմար, ձեռագործ գորգեր:

Dassault Falcon 7X (երկու օդանավ՝ RA-09007 և RA-09009, յուրաքանչյուրը՝50 մլն դոլար)

Արտադրված է Ֆրանսիայում: 19 ուղևորի և անձնակազմի 3 անդամի համար նախատեսված օդանավի սրահը բաժանված է աշխատանքային և հանգստի գոտիների: Օդանավն ունի ձայնաջեմամեկուսացման համարգեր, արբանյակային կապ, ինտերնետ, DVD, CD նվագարկիչներ, LCD մոնիտորներ և Airshow համակարգով:

 

Տու-214 (3 օդանավ՝25-ական մլն դոլար) 

 

Տու-214ՊՈՒ (50-ական միլիոն դոլարով երկու օդանավ՝ RA-64517  և  RA-64520)

Տու-214ՍՌ (երկու օդանավ՝ RA-64515 и RA-64516՝ 95-ական մլն դոլար)

ՏՈՒ-214ՍՌ օդանավերում կան վառելիքային լրացուցիչ բաքեր, որոնց շնորհիվ օդնավը կարող է թռիչքը ընդարձակել մինչև 10 հազար կմ: Օդանավը զինված է նաև էներգամատակարարման համակարգերով և  ռադոիտեխնիակական համալիրով:

 

 

Տու-214սՈւս (երկու օդանավ՝ RA-64522 և RA-64524՝ 60-ական մլն դոլար)

 

Տու 204-300ա (երկու օդանավ՝ RA-64057 և RA-64058՝62-ական մլն դոլար)

 

Տու-154 (8 օդանավեր՝7,5-20 մլն-ական դոլար)

 

Տու-134 (8 օդանավեր, կառուցված են անցած դարի 80-ականներին, արժեքը չի հաղորդվում) 

ԻԼ-62 (5 օդանավ)

ՅԱԿ-40

ԻԼ 18՝ 2 «վետերաններ»

Մի-8 ՝ 15 ուղղաթիռներ

 

 

Զբոսանավերը

ՌԴ նախագահի տիրապետութան տակ մինի նավատորմ կա՝ 100 մլն դոլար արժողությամբ: 4 շքեղ զբոսանավերի խնամքը տարեկան հարյուրավոր միլիոններ են պահանջում: 

 

Սիրիուս՝ գնվել է 2011- սկզբին, նախատեսված է 11 հյուրերի և անձնակազմի 12 անդամների համար: Զբոսանավի երկարությունը 53,7 մետր է: Այն կարող է զարգացնել 33 կմ/ժամ արագություն: Նման զբոսանավի ծախսերը տարեկան կազմում են նրա արժեքի 10 տոկոսը՝ 124 մլն ռուբլի, ինչը համարժեք է 1200 ռուս թոշակառուի տարեկան միջին թոշակին:

 

Օլիմպիա՝ տարեկան ծախսերը կազմում է 150 մլն ռուբլի: Այն ունի ջակուզի, բար, խորովածանոց, պատրաստված է թագավորական ստանդարտներով:

 

 

Ռոսիա ջերմանավ՝ 2005-ին այն արդիականցվել է, ինչի համար բյուջեից ծախսվել է 1,2 մլն դոլար: Այն համապատասխանում է ժամանակակից զբոսանավի բոլոր պահանջներին:

 

Մրրկահավը  (« Буревестник») ՝  շարժիչային VIP զբոսանավ է, ունի 27,4 մետր երկարություն և 6,5 մետր լայնություն: Նախատեսված է 36 մարդու համար: Սրահը պատրաստված է կարմիր ծառի փայտից: Նավը պատրաստվել է «Северная верфь» գործարանում, ջուրն է իջեցվել 2003-ին:

 

 

Ավտոմեքենաները 

ՌԴ նախագահին ավտոմեքենաները տրամադրում է «Россия» տրանսպորտային կոմբինատը: Նախագահի ավտոպարկում 700 ավտոմեքենա կա: Վլադիմիր Պուտինը գովազդային աջակցություն է ցուցաբերում Mercedes-Benz գերմանական ավտոարտադրողին: Պուտինի Mercedes-Benz S-600 Guard Pulman ավտոմեքենաներն ու Mercedes Sprinter միկրոավտոբուսը (62,5 հազար դոլար) ուղեկցվում են Mercedes-Benz Gelendwagen (թիկնապահների համար, 434 հազար դոլար) ամենագնացներով:

Նախագահի տեղափոխման համար նախատեսված զրահապատ Mercedes-Benz S 600 Guard Pullman (1 մլն 125 հազար դոլար) մակնիշի ավտոմեքենան  ընդարձակվել է՝ դարձվելով 6,35 մետր: Կաշվեպատ սրահը հագեցած է տեխնիկայի վերջին ճիչով: 

Ժամացույցներ

ՌԴ նախագահ Պուտինի ժամացույցների հավաքածուում 11 ժամացույց կա (դրանք պատրաստված են սպիտակ ոսկուց, արծաթից և կոկորդիլոսի կաշվից)՝ ընդհանուր 22 մլն ռուբլի արժեքով, որը կազմում է նրա 6 տարվա աշխատավարձը: Դրանք են՝ 500 հազար դոլար արժողությամբ A. Lange & Sohne Tourbograph «Pour le Merite», 60 հազար դոլար արժողությամբ  Patek Philippe Perpetual Calendar 3974,  25 հազար դոլար արժողությամբ A. Lange & Sohne 1815, Blancpain, Breguet Marine 5817ST/12/5V8, ևս մեկ Patek Philippe (Calatrava 3998) և IWC Pilot’s Watch Mark XV:

 

 

 

Վերջաբան

Մենք դիտավորյալ չենք հրապարակել նրա  կոստյումների, կոշիկների, փողկապների արժեքները, որոնք հասնում են տասնյակ հազարավոր դոլարների: Դրանք կոպեկներ են վիլլաների, օդանավերի, ժամացույցների և ավտոմեքենաների համեմատությամբ:

Պուտինի՝ 2012-ի պաշտոնական հաշվետվությունում ասվում է, որ նրա տարեկան եկամուտը կազմել է  3 661 765 ռուբլի: ժամացույցների նման հավաքածու ունենալու համար նախագահը պետք է 6 տարի ոչ խմեր, ոչ սնվեր: Իսկ եթե դրանք նվերներ են, ապա  պետք է նշվեն հաշվետվությունում, ինչը բացակայում է:

Երկրում, որտեղ  20 մլն մարդ հազիվ է ծայրը ծայրին հասցնում, նախագահի շքեղ կյանքը  ամբարտավան ու ցինիկ մարտահրավեր է հասարակությանը:

Դրա հետ հաշտվել կտրականապես չի կարելի: Բյուջեի ողջ ծախսերի և իշխանությունների իրական եկամուտների մասին ամեն ինչ պետք է  հրապարակվի, իսկ դա հնարավոր է միայն ժողովրդավարության վերականգնման և իշխանափոխության սկզբունքի կյանքի կոչման պարագայում:

 

Թարգմանությունը՝ Աննա Անտոնյանի