Եվրոպան դարձյալ բախվել է աղքատության խնդրին: Այսպիսի հայտարարություն, ինչպես հայտնում է AFP-ն, կատարել է հոլանդական Unilever ընկերության եվրոպական ստորաբաժանման ղեկավար Յան Զեյդերվելդը:
Դրա հետ կապված` ընկերությունը մտադիր է վերանայել իր մարքեթինգային ռազմավարությունը:
Զեյդերվելդի խոսքով` «աղքատությունը վերադառնում է Եվրոպա»:
«Եթե Իսպանիայում մարդը իր հետ վերցնում է 17 եվրո` գնումներ կատարելու համար, ապա մենք չենք կարող նրան վաճառել լվացքի փոշի այդ գումարի կեսի չափով»,- ընդգծել է նա:
Unilever-ը մտադրվել է օգտագործել այն նույն ռազմավարությունը, որոնք արդեն օգնել են ընկերությանը առաջընթաց ունենալ զարգացող երկրներում, մասնավորապես Արևելյան Ասիայում, որտեղ բնակչության եկամուտներն անհամեմատ պակաս են եվրոպականից:
Unilever-ին են պատկանում այնպիսի բրենդներ, ինչպիսիք են Lipton թեյը, Dove օճառը, Calve մայոնեզը, Rexona ու Axe դեզոդորանտներն ու Domestos մաքրող միջոցները:
