Լիբիայի ղեկավար Մուամար Քադաֆին հանդես է եկել հեռուստաուղերձով: Նա ելույթ է ունեցել իր նախկին թաքստոցից, որը 1986թ. ռմբակոծվել է ամերիկյան օդուժի կողմից` ամբողջովին ավերելով այն: Այն ժամանակ զոհվել էր Քադաֆիի որդեգրված աղջիկը: Այն ժամանակվանից թաքստոցը չի վերականգնվել` դառնալով ԱՄՆ դեմ պայքարի խորհրդանիշ:
Քադաֆին հայտարարել է, որ չի պատրաստվում լքել երկիրը, և կմեռնի իր հողում: «Մուամար Քադաֆին նախագահ չէ, նա հեղափոխության առաջնորդ է: Նա կորցնելու բան չունի: Հեղափոխությունը նշանակում է ինքնազոհություն մինչև կյանքի վերջ»,- ասել է Քադաֆին: Նա նշել է, որ բոլոր այս բախումները հրահրված են դրսից` նրանց կողմից հովանավորվող երիտասարդների կողմից:
«Նրանք փորձում են կրկնօրինակել Թունիսն ու Եգիպտոսը»,- ասել է Քադաֆին: Ըստ Քադաֆիի` ցուցարարներն իբր փորձում են վերածել Լիբիան իսլամական պետւթյան: «Լիբիայում պատերազմ չէ, ուղղակի թմրամիջոցների ազդեցության տակ գտնվող երիտասարդները հարձակվում են զորամասերի, ոստիկանության վրա, գողանում են զենք: Որոշակի ուժեր դրդում են նրանց այդ քայլի, ապահովում են նրանց զենքով և գումարով»,- ասել Լիբիայի ղեկավարը:
Քադաֆին նաև շեշտել է, որ դեռ զենք չի կիրառել, սակայն կանի դա, դրա անհրաժեշտությունը լինի: «Մենք դեռ ուժ չենք կիրառել, սակայն կարող ենք անել դա լիբիական օրենքների և միջագային նորմերի համաձայն»:
«Եթե դուք սիրում եք Մուամար Քադաֆիին, դուք դուրս կգաք և կապահովեք փողոցների անվտանգությունը»,- ասել է Քադաֆին:
Քադաֆիի խոսքը հենց նոր ավարտվեց, այն տևեց ավելի քան մեկ ժամ: Լիբիական հեռուստատեսությունը ցուցադրում է կադրեր, թե ինչպես են մի քանի հարյուր մարդ բացականչում Քադաֆիի անունը և պարում Տրիպոլիի կենտրոնական հրապարակում:
Ակնհայտ է, որ Քադաֆին շարունակելու է արյունահեղությունը` իշխանության մնալու համար: Եթե մերձավորարևելյան մյուս բռնապետերի խոսքում որոշակի փոխզիջումների տարրեր էին նկատվում, ապա Քադաֆին ակնարկ անգամ չարեց դրա: Ավելին` սպառնալով «իսկական» զենք կիրառել նրանց դեմ, եթե դրա կարիքը լինի:
