Թուրքիայի Turksam ռազմավարական հետազոտությունների կենտրոնի ղեկավար Սինան Օգանը կարծում է, որ հայ-թուրքական փակ սահմանն ավելացնում է Հայաստանի տարածքով տարանցիկ տրանսպորտային նախագծերը, որպես օրինակ` Իրան-Վրաստան կապը:
«Փակ սահմանի հանգամանքը պետք է դիտարկել ոչ միայն տնտեսական տեսանկյունից, այլ նաև քաղաքական և դիվանագիտական: Փակ սահմանը պատիժ է ագրեսոր պետությանը»,- ասել է Օգանը news.az-ին տված հարցազրույցում:
Անդրադառնալով հայ-թուրքական մերձեցմանը` նա ասել է որ հարաբերությունների կարգավորման նոր փուլը կարող է լրջորեն ազդել թուրք-ադրբեջանական հարաբերությունների վրա, չնայած որ Թուրքիան աշխատում է այս ուղղությամբ: Սակայն վերջին շրջանում ակնհայտ է երկրների միջև բարձր մակարդակի այցելությունների պակասը:
Թուրքիայի նախագահի կողմից Հայաստան հատուկ բանագնաց ուղարկելու փաստի մասին Օգանն ասել է, որ նման բանագնացներ ուղարկվել են ոչ միայն Հայաստան, այլ նաև Ռուսաստան և եվրոպական մի շարք երկրներ: Այդ առումով Երևանը չպետք է կարծի, որ ԵԱՀԿ գլխավոր քարտուղարի ընտրությունների ժամանակ թուրք թեկնածուի համար աջակցության երաշխիքներ ստանալու համար բանագնացի ուղարկումը հարաբերությունների կարգավորում է նշանակում:
