Այսօր` օգոստոսի 10-ին, ավտովթար է Սյունիքի մարզում: Ժամը 16.30-ի սահմաններում Սյունիքի մարզի Գեղանուշ գյուղի բնակիչ, 32-ամյա Արմեն Պետրոսյանը, վարելով «ՎԱԶ 2121» մակնիշի 15 ԼՏ 327 համարանիշի ավտոմեքենան, Կապան-Մեղրի նորակառույց ճանապարհի 34-րդ կմ-ին դուրս է եկել ճանապարհի երթևեկելի գոտուց և վթարի ենթարկվել:
Ֆոտոլրագրող Գագիկ Շամշյանը shamshyan.com-ին հայտնել է, վթարի հետևանքով վարորդը և ուղևորները` նույն գյուղի բնակիչներ, 40-ամյա Անդրանիկ Պետրոսյանը, 63-ամյա Հերսիկ Գևորգյանը և 5-ամյա Անահիտ Պետրոսյանը մարմնական վնասվածքներով տեղափոխվել են Կապանի բժշկական կենտրոն:
Գագիկ Շամշյանի տեղեկություններով, հիվանդանոց տեղափոխվածները նույն ընտանիքի անդամներ են:
Դեպքի վայր են ժամանել Ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի աշխատակիցները` ավագ տեսուչ Արթուր Ոսկանյանի գլխավորությամբ:
Քննչական աշխատանքները ղեկավարել է Ոստիկանության քննչական գլխավոր վարչության Սյունիքի մարզի քննչական բաժնի Կապանի քննչական բաժանմունքի քննիչ Արմեն Հայրապետյանը:
Քննիչի հանձնարարականով, ավտոմեքենան տեղափոխվել է Ոստիկանության Կապանի բաժնի հատուկ պահպանման տարածք: