Ադրբեջանական Trend լրատվական գործակալության փոխանցմամբ՝ Ադրբեջանը, Վրաստանն ու Թուրքիան կարող են համատեղ ապահովել ենթակառուցվածքային օբյեկտների անվտանգությունը, ինչպիսիք են խողովակաշարարեն ու երկաթուղիները: Այս մասին 2008 թվականի օգոստոսին տեղի ունեցած ռուս-վրացական պատերազմի 4-րդ տարելիցի կապակցությամբ հայտարարել է Ադրբեջանում Վրաստանի դեսպան Թեյմուրազ Շարաշենիձեն.
«Վրաստանի, Ադրբեջանի և Թուրքիայի միջև գոյություն ունեն շատ սերտ տնտեսական կապեր, ինչը մասնավորապես վերաբերում է էներգետիկ ոլորտին: Դրա օրինակ կարող է ծառայել «Բաքու-Թբիլիսի-Ջեյհան» նավթամուղը:
Երբ խոսում են մեր երկրների համագործակցության ռազմական տարրի մասին, ապա դրա տակ առաջին հերթին հասկացվում է համատեղ նախագծերի անվտանգության հարցը: Կողմերը համագործակցում են առաջին հերթին տնտեսական ոլորտում: Ինչ կլինի հետագայում՝ անհայտ է: Սակայն հավանական է, որ կողմերն իրականացնեն համատեղ ռազմական միջոցառումներ գոյություն ունեցող ենթակառույցների, ինչպիսիք են խողովակաշարերը պահպանման ոլորտում»:
