Նոր հետազոտությունը պարզել է, որ ազնվությունը կարող է կտրուկ բարելավել ֆիզիկական և մտավոր առողջությունը: Այս մասին հաղորդում է USA Today-ը:
10 շաբաթ շարունակ 18-71 տարեկան 110 անհատներ ստի դետեկտորով թեստ են անցել, օրինաչափություններ անցկացրել առողջության և հարաբերությունների միջև՝ըստ փոքր և մեծ ստերի քանակի: Հետազոտությունն անցկացրել է Ինդիանայի Notre Dame համալսարանի հոգեբանության պրոֆեսոր Անիտա Քելլին՝ գործընկերների աջակցությամբ:
«Երբ մասնակիցները ծանրացրել են ստերի նժարը, նրանց առողջության նժարն իջել է, և հակառակը, երբ ստերի նժարը թեթևացրել են, վեր է բարձրացել առողջության նժարը»,-ասել է Քելլին Հոգեբանների ասոցացիայի ամենամյա հանդիպման ժամանակ: Այն շաբաթը, որի ընթացքում ստերի քանակն արդեն նվազեցվել է մինչև 1-ը, մասնակիցները դրական են գնահատել իրենց ֆիզիկական և մտավոր առողջությունը:
Հետազոտողները կոչ են անում զերծ մնալ ստախոսությունից: Որպես այլընտրանքային տարբերակʽ մասնագետներն առաջարկում են հարցերի պատասխանելուց հրաժարվելը, դրանք շրջանցելը, գաղտնի պահելը:
Առողջական վիճակի վրա ստի ազդեցությունը պայմանավորված է ստի հետևանքով առաջացող սթրեսային իրավիճակով: Դեռ վաղուց անցկացված հետազոտությամբ հայտնի է, որ ամերիկացիները ստում են շաբաթական 11 անգամ:
