ՍԴՀԿ ատենապետ Լյուդմիլա Սարգսյանը, լրագրողների հետ հանդիպման ժամանակ անդրադառնալով կոալիցիոն հուշագրի ստորագրմանը և մինչ այդ եղած ներկոալիցիոն տարաձայնություններին, ասաց, որ այս ամենն ավելի շատ հակասություններ են ոչ թե Գագիկ Ծառուկյանի և Սերժ Սարգսյանի, այլ Սերժ Սարգսյանի և Ռոբերտ Քոչարյանի միջև:
«Այս հակասության մեջ Գագիկ Ծառուկյանը ընդամենը խաղաքարտ էր, որ օգտագործվեց Քոչարյանի կողմից Սերժ Սարգսյանի իշխանությունը թուլացնելու և իր կարևորությունը ընդգծելու համար»,- ասաց Լյուդմիլա Սարգսյանը:
ՍԴՀԿ ատենապետի գնահատմամբ, Ռոբերտ Քոչարյանը հասավ իր նպատակին, իսկ Ծառուկյանն էլ, ստորագրելով կոալիցիոն հուշագիրը, հաստատեց ԲՀԿ-ի ոչնչացման փաստը: Լ. Սարգսյանի կարծիքով՝ ԲՀԿ-ն այլևս ՀՀԿ-ի կցորդն է, ինչպես ՕԵԿ-ը:
