Լիբիան Հունաստանից 150 մլն եվրո պարտք է վերցրել Մուամար Քադաֆիի դեմ ռազմական գործողությունների ժամանակ վիրավորված նախկին ապստամբներին բուժելու համար: Այս մասին հաղորդում է RIA Novosti-ն՝ վկայակոչելով Աթենքի լրատվալկան գործակալությունը:
Լիբիայի նոր իշխանությունները պատրաստ են մարել պարտքի մի մասը,- սակայն ցանկանում են ավելի մանրամասն ուսումնասիրել հունական հյուրանոցների և հիվանդանոցների տրամադրած հաշիվները:
Մուամար Քադաֆիի վարչակարգը տապալվել է 2011թ. քաղաքացիական պատերազմի արդյունքում:
«Մենք, ընդհանուր առմամբ, ընդունում ենք շուրջ 150 մլն եվրոյի չափով պարտք կազմակերպությունների, բուժական հաստատությունների և հյուրանցների, ինչպես նաև երկու զբոսաշրջային գործակալությունների նկատմամբ… Նրանք հրավիրել են ընդհանուր առմամբ 5500 վիրավոր»,- ասել է Աթենքում Լիբիայի գործերի հավատարմատար Ուսամա Էլեյանը:
Նրա խոսքերով՝ այս պահին Հունաստանում դեռ մնում են 300-500 լիբիացիներ:
«Մենք համոզված ենք, որ շուտով միջոցներ կտրամադրվեն՝ բոլորին վճարելու համար: Այնուամենայնով, առաջին փուլում կվճարվի պարտքի 50%-ը»,- ասել է դիվանագետը: Նրա խոսքերով՝ մյուս ծախսերը կստուգվեն Լիբիայի կառավարական հանձնաժողովի կողմից:
Ատտիկա կենտրոնական շրջանի հյուրանոցների միավորման տվյալներով լիբիացիները մայրաքաղաքի հյուրանոցներին պարտք են 17 մլն եվրո, իսկ Սալոնիկեում՝ 9.5 մլն եվրո:
Գործակալությունը մեջբերում է հյուրանոցի սեփականատերերի հայտարարությունը, ըստ որիʽ իրենք չվճարված պարտքի պատճառով գտնվում են ֆինանսական փլուզման եզրին: Տասնյակ հիվանդանոցներ և մասնավոր կլինիկաներ հայտարարում են, որ նախկին ապստամբների բուժման համար գումար չեն ստացել:
Լիբիայի դեսպանատունը հիվանդանոցներին և հյուրանոցներին հատուկ հարցաթերթիկներ է ուղարկել լրացնելու համար, որում խնդրվում է մանրամասն նկարագրել պարտքը: Դրանից հետո այդ տվյալները կուղարկվեն Լիբիայի նոր իշխանություններին:
