Երկու տարի առաջ ԱՄՆ-ում ռուս լրտեսների ցանց էր բացահայտվել: Դրանից հետո, ինչպես Սառը պատերազմի տարիներին, օդանավակայանում լրտեսների փոխանակություն էր կատարվել: Տասը լրտեսներ, այդ թվումʽ լրտեսության աստղ Աննա Չապմանը, փոխանակվել էին լրտեսական գործունեության համար Ռուսաստանում դատապարտված չորս անձանց հետ, գրում է «Ինոսմի»-ն:
Ռուսական լրատվամիջոցներում լուրեր էին շրջանառվում, որ այդ գործակալները լավ հարմարվել են գաղտնի ծառայությունների հաշվին: Նրանց գլխավոր խնդիրը կայանում էր նրանում, որ որքան հնարավոր է լավ ինտեգրվեն ամերիկյան հասարակությանը: Եվ ահա այժմ պարզվում է, որ նրանց պլանի մի մասը կայանում էր գործակալների հաջորդ սերունդ դաստիրակելու մեջ:
Հաջորդ սերունդը
Այդ ծնողներն ունեին իրենց լեգենդներն ու կեղծ անձնական տվյալները, սակայն նրանց երեխաների պարագայում ամեն ինչ այլ կերպ պետք է լիներ, քանի որ նրանք մեծացել էի ԱՄՆ-ում և անգլերենով խոսում էին առանց առոգանության: Նման կադրերը շատ ավելի արժեքավոր են:
Ընդհանուր առմամբ, հաշվվում էր ռուս լրտեսների յոթ երեխա, սակայն նրանցից ոչ բոլորն էին հավաքագրված: Հավանական է, որ ամենաշատն առաջ գնացել էր Թիմ Ֆոլի անունով երիտասարդը: Երբ նրա ծնողները ձերբակալված էին, նա 20 տարեկան էր, և Wall Street Journal-ի տվյալներովʽ նա արդեն իսկ համաձայնել էր որպես գործակալ աշխատել Մոսկվայի համար:
Տղայի ծնողները իրենց ներկայացրել էին որպես ֆրանկո-կանադացիներ, և նրա հայրն իր համար վերցրել էր դեռևս մանուկ տարիքում մահացած մի կանադացու անունը: Այդ մարդիկ ապրել են Բոստոնում, ունեցել երկու երեխա: Հարևանները նրանց ընկերասեր են համարել, և միայն ֆրանսերենի ուսուցչուհին է նկատել, որ երեխաների մայրը տարօրինակ առոգանությամբ է խոսում:
Այժմ առջևում է կյանքը Ռուսաստանում
Ծնողների ավագ տղան 2010 թվականին ավարտում է Ջորջ Վաշինգթոնի անվան համալսարանի առաջին կուրսը: Դրանից ոչ շատ առաջ ծնողները նրան պատմում են իրենց երկակի կյանքի մասին և նրան ևս առաջարկում լրտես դառնալ:
Wall Street Journal-ի տվյալներովʽ փաստն ապացուցվել է Հետաքննությունների դաշնային բյուրոյի իրականացրած հետաքննության ժամանակ, որի շրջանակներում ընտանիքի տանը գաղտնալսման սարքեր են տեղադրվել: Դատելով ամենից՝ Թիմ Ֆոլին համաձայնել է գնալ Մոսկվա, որպեսզի ռուսական գաղտնի ծառայությունում նախապատրաստական փուլ անցնի:
Առայժմ անհայտ է՝ անցե՞լ է նա հատուկ պատրաստություն, թե ոչ: Ամերիկյան իշխանությունները որոշել են նրան մեղադրանք չառաջադրել, քանի որ տղան շատ երիտասարդ է և գտնվել է ծնողների ազդեցության տակ: Ներկայումս, ինպես հավաստիացնում է տղայի հոր փաստաբանը, Ֆոլին ապրում է Մոսկվայում: Նա նաև հերքում է, որ Թիմ Ֆոլին հավաքագրվել է որպես գործակալ և ընդհանրապես տեղյակ է եղել իր ծնողների գործունեությանը:
Դա վերաբերում էր ոչ բոլոր երեխաներին
Լրտեսների մեծ մասը և նրանց ընտանիքները գերադասում են մնալ ստվերում՝ Ռուսաստանում: Սակայն դա չի վերաբերում Աննա Չապմանին, ով օգտագործում է իր պատմությունը: Հայրենիք վերադառնալուց հետո նա՝ նախկինում գործակալ այդ հմայիչ կինը, դառնում է ռուսական «Ֆոնդսերվիսբանկ»-ի խորհրդականը, ինչպես նաև «Եդինայա Ռոսիա» իշխող կուսակցության երիտասարդական կազմակերպության հանրային խորհրդի անդամ:
Մինչ այժմ անհայտ է՝ ինչ է եղել ձերբակալված մյուս գործակալների երեխաների հետ:
