Թունիսի նախկին նախագահ, հունվարի 14-ին երկիրը հեղափոխությունից հետո լքած Զին Ալ-Աբիդին բեն Ալին կոմայի մեջ է ընկել: Այս մասին իր բլոգում գրել է Փարիզի համալսարանին կից Մաղրիբի ինստիտուտի պրոֆեսոր Նիկոլյա Բոն: Նրա տվյալներով, նախկին նախագահը հոսպիտալացվել է Սաուդյան Արաբիայի Ջիդդա քաղաքի թագավորական հիվանդանոցում: Նրա վիճակը ծանր է համարվում:
Բացի այդ, այս տեղեկությունը հաստատել ` իսրայելական JSSNews կայքի դիվանագիտական աղբյուրը: Կայքը նշում է, որ նրա մոտ սրտամկանի ինֆարկտ է գրանցվել:
Հիշեցնենք, որ փետրվարի 14-ին կայքերը հաղորդել էին նաև Եգիպտոսի պաշտոնաթող նախագահ Հոսնի Մուբարաքի կոմայի մեջ ընկնելու մասին լուրը: Հետագայում այս լուրը հերքվեց, սակայն լրատվամիջոցները հայտնում են, որ Մուբարաքի առողջական վիճակն իրոք մտահոգության տեղիք է տալիս:
Հիմա մնում է միայն կարծել, որ խիղճն է տանջում այս մարդկանց, ինչն էլ անդրադառնում է նրանց առողջության վրա: Այլապես շատ հավանական է, որ սա պատասխանատվությունից խուսափելու և ուշադրությունից դուրս մնալու լավագույն միջոցն է: