Ռոդ Այլենդի տասնյակ բնակիչներ բրիտանական The Who խմբի համերգին կարող են ներկա գտնվել 33 տարվա վաղեմության տոմսերով: Այս մասին տեղեկացնում է Providence Journal newspaper-ը:
Խմբի երկրպագուները պետք է շոուին մասնակցեին Ռոդ Այլենդի Փրովիդենս քաղաքում դեռևս 1979 թվականին, սակայն համերգը չեղյալ էր հայտարարվել Ցինցինատի քաղաքում ելույթի ժամանակ տեղի ունեցած դժբախտ պատահարի հետևանքով:
The Who-ի ամենանվիրված երկրպագուները պահպանել են տոմսերը և երեքշաբթի հնարավորություն ստացել դրանցով ներկայանալու Փրովիդենսում 2013-ի փետրվարին կայանալիք համերգին: Համերգի կազմակերպիչները պատրաստվում են 1979 թվականի տոմսերը նվիրաբերել Rhode Island Special Olympics սպորտային միջոցառման կազմակերպիչներին, որոնք, իրենց հերթին, դրանք աճուրդի կհանեն:
1979 թվականին The Who-ի տոմսն արժեր 11,9 դոլար, 2013-ին այն կլինի 72-143 դոլար:
The Who խումբը ստեղծվել է 1964 թվականին: Սկզբում խմբի կազմում ընդգրկված էին Փիթ Թաուսենդը, Ռոջեր Դոլթրին, Ջոն Էնթվիսթլը և Քիթ Մունը: Վերջինս մահացել է 1978 թվականին, իսկ Էնթվիսթլը՝ 2002-ին:
