Ռուսաստանի նախագահի աշխատակազմը սովորում է նորովի նայել ներքին և արտաքին քաղաքականության հիմնական խնդիրներին: ԱՊՀ և Մերձբալթյան երկրների հետ հարաբերություններն այժմ կկառուցվեն վերլուծական նյութերի օգնությամբ: Յուրաքանչյուր զեկույցի համար նախագահի աշխատակազմը պատրաստ է ծախսել 400 հազարից 1.4 մլն ռուբլի:
Նմանօրինակ հետազոտություններ Ռուսաստանում վերջերս են անցկացվում: Նոր պատվերը թույլ է տալիս ի հայտ բերել հետխորհրդային տարածքում քաղաքականության հիմնական ուղղությունները:
Այսպես, Կրեմլը պատրաստ է գումարներ ծախսել այն բանի վրա, որպեսզի գնահատի Կովկասի պետությունների արտաքին քաղաքական կուրսերը և ռուսական կապիտալի ներկայության ընդլայնման հնարավորությունները Հայաստանում, Վրաստանում ու Ադրբեջանում:
Մոլդովայում նախագահի աշխատակազմին հետաքրքրում են քաղաքական գործընթացներում ֆինանսատնտեսական խմբերի դերի մասին տվյալները: Դրա համար վերլուծություն է կատարվում օրինակ այն մասին, թե ինչպես են բիզնեսի միավորումներն ազդում օրինաստեղծ գործընթացի վրա, ինչպիսին են իշխանությունում գործարարների ներկայացվածության ծավալներն ու ձևերը:
Նմանօրինակ տվյալների մասին Կրեմլը հարցում է կատարում նաև Լատվիայից: Պայմանները պահանջում են այդ երկրի բիզնես խմբերի և քաղաքական ինստիտուտների փոխգործակցության վերլուծության անցկացում:
