Թուրքական Taraf թերթի փոխանցմամբ՝ այսօր Թուրքիայում մեկնարկելու է Բարձրագույն ռազմական խորհրդի (YAŞ) նիստը, որը տևելու է 4 օր: Նիստը տեղի է ունենալու Գլխավոր շտաբում: Այն միանձնյա նախագահելու է վարչապետ Ռեջեփ Էրդողանը:
YAŞ-ի նիստին մասնակցելու են նաև Գլխավոր շտաբի պետ, բանակի գեներալ Նեջդեթ Օզելը, պաշտպանության նախարար Իսմեթ Յըլմազը, ցամաքային զորքերի հրամանատար, բանակի գեներալ Հայրի Քըվրըքօղլուն, ռազմաօդային ուժերի հրամանատար, բանակի գեներալ Մեհմեթ Էրթենը, ռազմածովային ուժերի հրամանատար, բանակային ծովակալ (հատուկ չին- թուրքական նավատորմում), Ժանդարմերիայի գլխավոր հրամանատար, բանակի գեներալ Բեքիր Քալյոնջուն, Գլխավոր շտաբի պետի տեղակալ, բանակի գեներալ Հուլուսի Աքարը, 1-ին, 2-րդ, 3-րդ և Էգեյան բանակների հրամանատարները և այլք:
Նիստի ժամանակ դիտարկվելու է կալանավորված 68 գեներալներից ու ծովակալներից 40-ի կոչման բարձրացման հարցը: Նիստն ավարտվելու է շաբաթ, նիստի ժամանակ ընդունված որոշումները ներկայացվելու են նախագահ Աբդուլլահ Գյուլին, որի կողմից հաստատվելուց հետո հրապարակվելու են:
Նշվում է, որ YAŞ-ի նիստում պաշտոնանկ է արվելու Թուրքիայի ռազմաօդային ուժերի հրամանատար, բանակի գեներալ Մեհմեթ Էրթենը: Դրա պատճառները երկուսն են: Դրանցից մեկը վերաբերում է 2011 դեկտեմբերի 28-ին գրանցված Ուլուդերեի միջադեպին, երբ թուրքական F-16 կործանիչներն ավիահարված էին հասցրել և սպանել 34 խաղաղ քուրդ բնակչի՝ նրանց դնելով PKK-ի զինյալների տեղ:
Երկրորդ պատճառն այս տարվա հունիսի 22-ին Սիրիայի կողմից Միջերկրական ծովում Թուրքիայի ռազմաօդային ուժերին պատկանող F-4 ինքնաթիռի կործանումն է:
