Պարզվում է` Օբաման Վիրջինիայի հայտնի ստրուկ Ջոն Պանչի սերնդից է, որին որոշ գիտնականներ համարում են առաջին ստրուկ աֆրոամերիկացին: Այս մասին գրում է The Los Angeles Times-ը:
«Օբաման մոր կողմից հարազատություն ունի Պանչի հետ, ով ստրուկ է դարձել 1640թ.-ին: Այս մասին հայտնել է գենետիկաբան Ջոզեֆ Շամվայը»,- գրում է թերթը:
«Մեր երկրի պատմության մեջ կարևոր դեր խաղացած երկու աֆրոամերիկացիները տարօրինակ կերպով կապ ունեն իրար հետ: Շատ հավանական է, որ հենց Ջոն Պանչն է կանգնած եղել ԱՄՆ-ում ստրկության օրինականացման հիմքում, սակայն դարավոր տառապանքներից հետո նրա` 11-րդ սերնդի ներկայացուցիչը դարձավ նոր աշխարհի ղեկավարը և ամերիկյան երազանքի մարմնացումը»,- գրել է Շամվայը:
Հայտնի է, որ Պանչը պայմանագրային ծառա է եղել Վիրջինիայում և երկու սպիտակամորթ ծառաների հետ փախչել է: Երբ նրանց բռնել են, սպիտակամորթ ծառաներին ազատազրկման են դատապարտել, իսկ նրան` ցմահ ստրկության: Նա առաջին աֆրոամերիկացի ստրուկն էր: Հայտնի է նաև, որ Պանչը դարձել է սպիտակամորթ կնոջ երկու երեխաների հայրը, որոնք մորից ժառանգել են ազատ կարգավիճակ:
