Ֆուտբոլի Իսպանիայի Օլիմպիական հավաքականի գլխավոր մարզիչ Լուիս Միլյան ներողություն է խնդրել ընտրանու՝ Օլիմպիական խաղերում անհաջող ելույթների համար։ Միլյան խոստացել է համապատասխան հետևություններ անել և չկրկնել նույն սխալները.
«Հնարավոր է՝ մրցաշարին նախապատրաստվելու ընթացքում մենք սխալներ ենք թույլ տվել։ Երկրպագուները համակարծիք են, որ մենք ձախողվել ենք, և ես նրանց հասկանում եմ։ Մենք կվերլուծենք սխալները և ամեն ինչ կանենք, որ հետագայում նմանատիպ սխալներ թույլ չտանք։ Ցանկանում եմ ներողություն խնդրել։
Հիշեցնենք, որ Իսպանիայի հավաքականը, որն Օլիմպիական խաղերի ֆուտբոլի մրցաշարի հաղթողի գլխավոր հավակնորդներից էր, պարտվեց Ճապոնիայի ու Հոնդուրասի հավաքականներին։
