Ministry խմբի ղեկավար Էլ Յորգենսենը Փարիզում` համերգի ժամանակ, կորցրել է գիտակցությունը և հոսպիտալացվել: Ինչպես տեղեկացնում է The Guardian-ը՝ շոուն ընդհատվել է մեկնարկից 50 րոպե անց:
Դեպքը տեղի է ունեցել հուլիսի 28-ին: Տեղեկություններ կան, որ կատարողն իրեն վատ է զգացել ջրազրկման և բեմում գերտաքանալու հետևանքով: Որոշ հանդիսականների խոսքով՝ Յորգենսենը համերգի հենց սկզբում անսթափ է եղել: Խմբի մասնակիցների տարածած տեղեկություններով՝ բժիշկները նրա արյան մեջ թմրանյութ չեն հայտնաբերել, իսկ ալկոհոլի չափաքանակը եղել է թույլատրելի սահմաններում:
Ներկայում Ministry խումբը համերգներ է տալիս՝ հաջակցություն Relapse ձայնասկավառակի: Խմբի 12-րդ ալբոմը վաճառքի է հանվել 2012-ի մարտին: Օգոստոսին երաժիշտները ծրագրում են համերգներով հանդես գալ Ռուսաստանում:
