Ըստ իսպանական մամուլի՝ բրազիլացի հարձակվող Նեյմարը կատալոնական թիմին տեղեկացրել է, որ արագացնեն իր գործարքը:
Նախկինում տեղեկացրել էինք, որ բրազիլացի խաղացողի ծառայություններով ակտիվորեն հետաքրքրված է կապտանռնագույնների թիմը ու պատրաստվում է ֆուտբոլիստի տրանսֆերը ձեռք բերել Օլիմպիական խաղերից անմիջապես հետո(Նեյմարն այժմ մասնակցում է Օլիմպիադային): Չնայած այս հանգամանքին՝ նշվում էր նաև, որ Մադրիդի «Ռեալ»-ը աստղաբաշխական թվեր է առաջարկել «Սանթոս»-ի ղեկավարությանը՝ Նեյմարի իրավունքների ձեռքբերման համար: Այնուամենայնիվ, բրազիլական ակումբի նախագահը՝ Լուիս Ալվարոն, բազմիցս է ասել, որ իսպանական գրանդ ակումբի գլխավոր մարզիչ Ժոզե Մոուրինյոն սպանում է ֆուտբոլիստի տաղանդն տակտիկական իր կոշտ սխեմաներով:
Այս պահին ամեն ինչ կախված է «Բարսելոնա»-ից. կատալոնական թիմը պետք է որոշի՝ երբ օգտագործի հարմար առիթը՝ Նեյմարի տրանսֆերը ձեռք բերելու համար:
Հիշեցնենք, որ օրերս «Բարսելոնա»-ի փոխնախագահ Խոսե Մարիա Բարտոմեուն հայտարարել էր, որ կատալոնական թիմը ցանկանում է Նեյմարին տեսնել իր կազմում Լոնդոն-2012 Օլիմպիական խաղերից անմիջապես հետո:
