Грузия Online-ի փոխանցմամբ՝ վրացի հրապարակախոս Գիգա Լիպարտելիանին ընդդիմադիր միլիարդատեր, «Վրացական երազանք» քաղաքական կոալիցիայի առաջնորդ Բիձինա Իվանիշվիլիին մեղադրել է հանցագործ հեղինակություն Օտարի Կվանտրիշվիլիի սպանության հետ ուղիղ կապ ունենալու մեջ: Խոսքը գնում է Լիպարտելիանի հեղինակած գրքի երեկվա շնորհանդեսի մասին:
Գրքում նշված է, որ Կվանտրիշվիլիի սպանությունը Ռուսաստանում իրականացվել է 1994 թվականին և Իվանիշվիլիի մի շարք հանցավոր գործողությունների մասին: Հրապարակախոսը հայտնել է, որ գիրք գրելու որոշումը կայացրել է այն բանից հետո, ինչ Իվանիշվիլին հայտնվել է քաղաքական դաշտում՝ հազարավոր մարդկանց պատմելու իրականությունը օլիգարխի «կեղտոտ» փողերի մասին:
Հրապարակախոսն ընդգծել է, որ իր գիրքը չի ծառայում քաղաքական որևէ կուսակցության շահերին՝ խոստանալով, որ եթե ինքը՝ գրքի հեղինակը, մեղադրվի քաղաքական որևէ կուսակցության շահերի սպասարկման մեջ, ապա ինքը դատի կտա նրան:
Հրապարակախոսը դիմել է նաև երկրի նախագահին ու խորհրդարանին, որպեսզի նրանք օրենք ընդունեն, ըստ որի՝ խստագույնս կպատժվեն քաղաքական այն կուսակցությունները, որոնք անգամ մեկ տետրի կստանան Ռուսաստանից.
«Ռուսաստանը զավթիչ է: Աշխարհում գոյություն չունի ադպիսի նախադեպ, որ քաղաքական կուսակցությունը ֆինանսավորվի զավթիչ երկրից: Իվանիշվիլին Ռուսաստանում պատրաստվել է Խորհրդային Միության բաղադրատոմսով»:
Հիշեցնենք, որ հոկտեմբերին Վրաստանում տեղի են ունենալու խորհրդարանական ընտրություններ:
