Թուրքմենստանի իշխանությունները կրկին իրենց պատրաստակամությունն են հայտնել մասնակցելու Ռուսաստանը շրջանցող էներգետիկ նախագծերին: Ինչպես տեղեկացնում է 1news.az-ը, Թուրքմենստանն արդեն այս ամիս մտադիր է ներդնել կասպյան խողովակաշարի շինարարության նախագիծը:
Փետրվարի 25-ին Աշգաբադում տեղի է ունենալու Կասպից ծովի հատակով դեպի Ադրբեջան խողովակաշարի կառուցմանը նվիրված համաժողով, որի հիմնական թեման նախագծի բնապահպանական ասպեկտներն են:
Նշենք, որ այս օրերին Թուրքմենստանում գտնվող ԱՄՆ պետքարտուղարի` Կենտրոնական և Հարավային Ասիայի գծով օգնական Ռոբերտ Բլեյքը հայտարարել է, որ Վաշինգտոնը կողմ է Թուրքմենստանի` էներգետիկ ուղղությունների դիվերսիֆիկացմանը, այդ իսկ պատճառով աջակցում է Nabucco նախագծին:
