«Սաակաշվիլիի համար մեր հայրենիքը քարերի կույտ է: Նա ցանկանում է, որ մենք համակերպվենք Աբխազիայի և Հարավային Օսիայի կորստի հետ»,- հայտարարել է Վրաստանի խորհրդարանի նախկին խոսնակ, ներկայումս «Միացյալ Վրաստան» ընդդիմադիր շարժման առաջնորդ Նինո Բուրջանաձեն:
Նա նախագահին մեղադրել է, թե վերջինս վրացիներին պարտադրում է այդ երկրամասերի կորստի մասին գաղափարը:
«Իշխանության պահպանման համար նա հրաժարվում է Աբխազիայից և Հարավային Օսիայից»,- ասել է Բուրջանաձեն:
Նա առաջարկել է պարզել, թե Վրաստանի ուրիշ ո՞ր շրջանն է Սաակաշվիլիի համար քարերի կույտ, որից նա պատրաստ է հրաժարվել:
Բուրջանաձեն հերթական անգամ կոչ է արել իշխանափոխություն իրականացնել երկրում,- հաղորդում է APA-ն: