Էլեկտրոնիկայի վերանորոգման iLab Factory Ճապոնական արվեստանոցը իր կայքում հրապարակել է iPhone սմարթֆոնի նոր մոդելի լուսանկարները: Այս մասին հաղորդում է lenta.ru-ն:
Վերջին ամիսների ընթացքում միանգամից մի քանի կայքեր տեղադրել են iPhone-ի ապագա մոդելի բաղադրիչ մասերի լուսանկարները, սակայն iLab Factory-ն առաջիններից է, որը ներկայացրել է այդ բաղադրիչներից հավաքված ապարատ:Չի նշվում, թե որտեղից են վարպետները վերցրել այդ բաղադրիչ մասերը:
Արտաքինից սմարթֆոնը նման է iPhone 4S –ին և iPhone 4-ին: Հետին պանելը պատրաստված է մետաղից: Տեսախցիկի «աչքը» տեղադրված է առջև պանելի կենտրոնական մասում,էկրանն ավելի մեծ է դարձել:Ականջակալների բնիկը տեղափոխվել է սարքի ներքևի հատված:
Սարքի իսկությունը հաստատել կամ հերքել հնարավոր չէ: Չի բացառվում, որ ապարատի բաղադրիչ մասերը պատրաստված լինեն էնտուզիաստների կողմից 3D տպիչով:
Սպասվում է, որ նոր՝ թվով 6-րդ սարքը Apple-ը կներկայացնի 2012-ի աշնանը:Վարկածներից մեկի համաձայն՝ սարքը կստանա iPhone 5, իսկ այլ վարկածի համաձայն՝ The new iPhone անվանումները:
Apple ընկերությունը փորձում է մանրամասներ չհաղորդել իր սարքերի հնարավորությունների ու տեսքի մասին մինչ դրանք ներկայացնելը, սակայն դա ոչ միշտ է հաջողվում: 2010-ի ապրլին iPhone 4-ի ներկայացումից 2 ամիս առաջ սարքի լուսանկարները հայտնվել էին համացանցում: Արտահոսքի մեղավորը ընկերության աշխատակիցն էր, որը սմարթֆոնի նախատիպը մոռացել էր Սան-Ֆրանցիսկոյի բարերից մեկում:
