Օլիմպիական խաղերի ժամանակ դատարկ տրիբունաները լցնելու համար կազմակերպիչները ստիպված են եղել հրավիրել զինվորների, գրում է բրիտանական The Guardian-ը: Մասնավորապես, հուլիսի 29-ին կայացած գիմնաստիկայի մրցումներին O2 մարզադաշտում VIP տեղերում նստած են եղել առնվազն 50 զինծառայող:
CNN-ը, վկայակոչելով Օլիմպիական խաղերի կազմկոմիտեն, հայտնում է, որ պատվավոր հյուրերի համար նախատեսված և թափուր մնացած տեղերում հրավիրում են զինվորների: Ընդ որում, բրիտանական թերթի տեղեկություններովʽ շատ զինծառայողների կարգադրում են հերթապահության փոխարեն զբաղեցնել տրիբունաների դատարկ տեղերը:
Դատարկ տրիբունաների առկայությունն առաջացրել է երկրպագուների դժգոհությունը, քանի որ շատերը չեն կարողացել ներկա գտնվել խաղերինʽ տոմսերի պակասի պատճառով: Ընդ որում, դրամարկղերում պաշտոնապես հաղորդվում է, որ տոմսերը վերջացել են:
Կիրակի օրը կազմակերպիչները հայտնեցին, որ շուտով կլուծեն դատարկ տրիբունաների խնդիրը, գրում է բրիտանական The Times-ը: Դրա համար մի քանի սխեմաներ են մշակվել: Մասնավորապես, հնարավոր է ազատ տեղերում հրավիրվեն լոնդոնցի ուսանողներ, կամ սովորական սեկտոդների համար տոմսեր գնած երկրպագուները կարող են տեղափոխվել VIP տրիբոունաներ՝ լրացուցիչ վճարում կատարելով:
