Սիրիական զինված ուժերի գործողությունները Հալեպ քաղաքում ռազմական ոճրագործություն են: Reuters-ի տեղեկացմամբ` այսպիսի դիրքորոշմամբ է հանդես եկել Արաբական պետությունների լիգայի (ԱՊԼ) ղեկավար Նաբիլ Էլ-Արաբին:
Հիշեցնենք, որ Հալեպում ռազմական գործողությունները ընթանում են հուլիսի 28-ից: Պաշտոնական Դամասկոսի հաղորդմամբ` Սալադին շրջանը «մաքրվում» է գրոհայիններից: Սիրիական պաշտոնական լրատվամիջոցները հաղորդում են, որ իշխանական ուժերը պատրաստ են «հետապնդել ահաբեկիչներին այնքան ժամանակ, քանի դեռ Հալեպը վերջնականապես չի «մաքրվել» նրանցից»:
Նշենք, որ Հալեպը Սիրիայի խոշորագույն քաղաքներից է, նաև` տնտեսական մայրաքաղաքը: Այն ունի 3 մլն բնակչություն:
