Քիչ առաջ ՀՀԿ-ում սկսվել է խորհրդի նիստը, որին ներկա է անձամբ Սերժ Սարգսյանը:
Ըստ մեր աղբյուրների՝ հիմնական թեման լինելու է կոալիցիայի ներսում տիրող իրավիճակը: Մասնավորապես, շատ է խոսվում, որ կոալիցիոն կուսակցությունները պետք է համատեղ հայտարարություն ստորագրեն, որտեղ նշեն, թե սատարելու են Սերժ Սարգսյանին՝ 2013 թվականի ընտրություններում՝ որպես իրենց միասնական թեկնածու:
Չի բացառվում, որ այդ նիստում իշխող կուսակցությունը որոշակի հանգուցալուծման վերաբերյալ որոշում կկայացնի: Մանրամասներ, թերեւս, հնարավոր կլինի իմանալ միայն նիստի ավարտից հետո՝ ավելի ուշ:
Քիչ առաջ մեզ հայտնի դարձավ, որ խորհրդի նիստում քննարկվում է պաշտոնների վերաբաշխման հարցը, մասնավորապես` հանրապետականները որոշում են առաջիկայում նոր մարզպետների նշանակման խնդիրը:
