Եվրոպական ավիաշինական Airbus կոնցեռնը հայտարարել է, որ կհետաձգի A350 նոր մոդելի արտադրությունը մի շարք նախագծման խնդիրներրի պատճառով, որոնք ներկայում արդեն որոշվում են, գրում է The Wall Street Journal-ը:
Ի սկզբանե ծրագրվում էր, որ ինքնաթիռն ուղևորներ կփոխադրեր 2014թ. կեսին, սակայն այդ ժամկետը տեղափոխվել է մինչև տարեվերջ:
Ինքնաթիռի թեստային թռիչքները կսկսվեն մեկ տարուց: Այդ ժամկետները չէին վերանայվել:
Նախագծի մենեջեր Դիդիե Էվրարը հաղորդել է, որ դժվարությունները կապված են եղել ինքնաթիռների թևերի հետ:
Էվրարի խոսքով` առաջին երկու ինքնաթիռների թևերը կպատրաստվեն ձեռքով, սակայն մյուսների համար պետք է սպասել:
Ժամկետների ուշացման պատճառով Airbus-ի մայր ընկերությունը` ավիատիեզերական EADS հոլդինգը կրել է 124 մլն եվրոյի վնաս:
Այդուհանդերձ, ընկերության ընդհանուր շահույթը կազմել է 461 մլն եվրո այս տարվա երկրորդ եռամսյակում` գրեթե քառակի ավելի, քան նախորդ տարվա նույն ժամանակահատվածի համեմատ:
A350-ը պետք է փոխարինի A330-ին ու A340-ին ու կարող է տեղափոխել 270-350 ուղևոր:
