Երեկ Սենեգալի հավաքականի հետ կայացած խաղից առաջ Մեծ Բրիտանիայի հավաքականի ուելսցի ֆուտբոլիստները հրաժարվեցին երգել երկրի հիմնը։
Ընտրանու ավագ Ռայան Գիգսը և իր հայրենակիցներ Ջո Ալենը, Քրեյգ Բելամին, Նիլ Թեյլորը լռում էին երկրի հիմնը երգելու ժամանակ։
Daily Mail-ի փոխանցմամբ՝ Մեծ Բրիտանիայի օլիմպիական հավաքականի գլխավոր մարզիչ Սթյուարտ Պիրսը հայտարարել է, որ հիմնը երգելը կախված է ֆուտբոլիստի ցանկությունից, և որևէ միտում չկար ուելսցի ֆուտբոլիստների գործողություններում։
Հիշեցնենք, որ խաղն ավարտվեց ոչ-ոքի՝ 1։1 հաշվով։