Հարավաֆրիկյան դատարանն առաջին դատավճիռն է կայացրել պետական հեղաշրջման փորձի և Նելսոն Մանդեկլայի վրա կատարած մահափորձի գործով, հաղորդում է Reuters-ը:
«Բուրմագ» կազմակերպության առաջնորդնրից մեկը Մայք դյու Տուան մոտ տասնամյա դատական գործընթացից հետո մեղավոր է ճանաչվել դավաճանության, հեղաշրջում նախապատրաստելու և սպանության փորձի մեջ:
Ինչպես հաղորդում է բրիտանական The Daily Telegraph պարբերականը, դյու Տուայի ծրագրերի մասին վկաները պատմել են դատական գործընթացի ժամական: Բացի այդ, նրա մտադրությունների մասին հայտնի է դարձել նրա համակարգչի կոշտ սկավառակի վրա մնացած գրառումներից:
Դավադիրը մասնավորապես ծրագրել էր սկզբում ՀԱՀ-ում լուրջ ճգնաժամ հրահրել: Դրա համար նա մի քանի տարբերակ ուներ՝ պայթեցնել ջրամբարը, ուղևորատար ինքնաթիռ հարվածել, անջատել էլեկտրականությունը խոշոր քաղաքներից մեկում կամ սպանել Մանդելային:
Դրանից հետո, նրա ծրագրով, իշխանությունը պետք է իր ձեռքը վերցներ միայն սպիտակներից բաղկացած ռազմական կառավարությունը: Այդ նպատակի համար նա իրեն համախոհներ էր գտել բանակի, ոստիկանության շարքերում և պետական կառույցներում: Դյու Տուան սկզբում պատրաստվում էր ՀԱՀ-ի սևամորթ բնակչությանը տեղափոխել երկրի հյուսիս, իսկ հետո արտաքսել երկրի սահմաններից:
Դավադրությունը բացահայտել հաջողվել է 2002թ.: Ընդհանուր առմամբ, գործում որպես մեղադրյալ հանդես է գալիս 22 մարդ: Դյու Տուայի համախոհների դատավճիռը կկայացվի ավելի ուշ: Այն մասին, թե ինչ պատիժ նա կկրի, կհայտաարվի ավելի ուշ:
