Ֆուտբոլի ֆեդերացիայի նախագահ Ռուբեն Հայրապետյանը ֆեյսբուքյան իր էջում պատասխանում է մի քանի ֆուտբոլասերների հարցերի:
Արթուր Քրիստիանո– Պարոն Հայրապետյան, Հունաստանի խաղից իսկապես երևաց Ռոման Բերեզովսկու մակարդակը և այն, որ նա հավաքականի կազմում առաջատար է: Շատ լավ կլիներ, որ ավագի թևկապը հանձնեիք իսկական առաջատարին: Այդպիսով մեր թիմի պաշտպանությունն ավելի զգոն կլինի, և թող մի ընկերական խաղում Վարդան Մինասյանը փորձարկի երիտասարդ պաշտպան Սարգիս Հովսեփյանին:
Ռուբեն Հայրապետյան– Չհամարձակվեք այլևս ինձ ուղղություններ տալ` ինչ պետք է անել և ով խաղա, ով`ոչ:
Արամ Սայադյան– Բարև Ձեզ, պարոն Հայրապետյան, չե՞ք կարծում, որ մենք հույներին պարտվեցինք 2-րդ հարկում զիջելու պատճառով, և որ հավաքականը պետք է համալրել 1-2 բարձրահասակ ֆուտբոլիստներով, օրինակ` հրավիրել Նիկոլաս Դեմեսկլոսին. կարծեմ նա փորձել էր Անթալիայում:
Ռուբեն Հայրապետյան– Չէ, ես կարծում եմ` պարտվել ենք երրորդ հարկում: Դուք ստեղծեք ձեր համար առանձին հավաքական և ձեր նշած ֆուտբոլիստին հրավիրեք այնտեղ:
Դավիթ Եգիզյան– Պարոն Հայրապետյան, ինչպե՞ս կմեկնաբանեք Հայաստան-Հունաստան հանդիպումը, ո՞ւմ խաղից եք դժգոհ, ինչո՞ւ պարտվեցինք:
Ռուբեն Հայրապետյան– Դուք պատկերացնո՞ւմ եք, եթե ես պատասխանեմ ամեն երկրպագուի հարցին` ումից եմ գոհ և ումից` դժգոհ, և երկրպագուի հետ վերլուծեմ ամբողջ իննսուն րոպեն: Ֆուտբոլը կոլեկտիվ խաղ է` և լավ, և վատ խաղի համար պատասխանատու են բոլորը, այդ թվում նաև ես:
