Samsung ընկերությունը մտադիր է 2012 թվականին հրաժարվել նեթբուքերի թողարկումից: Այս մասին հայտնում է ֆրանսիական Blogeee.net կայքը՝ հղում կատարելով նամակին, որը հարավկորեական ընկերությունը իբր ուղարկել է իր առևտրային գործընկերներին:
Նամակում ասվում է, որ Samsung ընկերությունը մտադիր է վերանայել նեթբուքերի ռազմավարությունը: 2012 թ. առաջին եռամսյակում տեսականուց սպառողին հանելու են 10,1 դյույմ անկյունագիծ ունեցող նեթբուքերը: Դրանց փոխարեն շեշտը դրվելու է 11,6 և 12 դյույմ անկյունագիծ ունեցող էկրանների վրա, ինչպես նաև «ուլտրաբուքերի» վրա: Սակայն Samsung-ը դեռ պաշտոնապես չի հաստատել կամ հերքել այս տեղեկությունը:
Նեթբուքերի գլխավոր առավելությունը ոչ թանկ գինն է և մարտկոցները, որոնք թույլ են տալիս երկար ժամանակ աշխատել: Վերջին տարիներին լուրջ մրցակցություն է սկսվել նեթբուքերի և պլանշետների միջև: Պլանշետները, որոնք պահպանում են նեթբուքերի շատ առավելություններ, ավելի կոմպակտ են և քաշով ավելի թեթև:
Վերլուծական Gartner ընկերության տվյալներով, 2011 թ. երրորդ եռամսյակում Արևմտյան Եվրոպայում նեթբուքերի վաճառքը կրճատվել է 40 տոկոսով:
