Զենքի համաշխարհային առեւտրի վերլուծության կենտրոնի փորձագետ Իգոր Կորոտչենկոն РИА-Новости գործակալությանը տված հարցազրույցում հայտնել է, որ Իրանի հետ ռազմարդյունաբերական համագործակցության դադարեցման արդյունքում Ռուսաստանը չի ստանա $11-13 մլրդ ներհոսք: «Այս գումարն իր մեջ ներառում է ինչպես արդեն ստորագրված պայմանագրերի դադարեցման, այնպես էլ հեռանկարային մի շարք ծրագրերի չիրագործման արդյունքում չստացված եկամուտները»: Փորձագետը հայտնել է, որ Իրանը 2001թ. սկսել է զինված ուժերի արդիականացման գործընթացը, որը նախատեսված է 25 տարվա համար, եւ որի համար հատկացված է մոտ $25 մլրդ: Իրանի իշխանությունները նախատեսել էին զենքի և ռազմական տեխնիկայի հիմնական մասը գնել Ռուսաստանից: Կորոտչենկոյի հաշվարկով` դա կարող էր կազմել արդիականացման համար հատկացված գումարի մոտ կեսը: