Հունաստանի տնտեսությունը` ապաքինման ճանապարհին

Ինչպես հայտնում է РБК daily-ն, Հունաստանի կառավարության բյուջետային քաղաքականությունը, որն առաջացրել է այդ երկրի բնակչության մեծամասնության դժգոհությունը, տալիս է իր արդյունքը: Համաձայն հարապարկված տվյալների` բյուջեի դեֆիցիտն այս տարի կկազմի ՀՆԱ-ի ընդամենը 7.8%-ը` Եվրոպական բանկի կողմից պահանջված 8.1%-ի փոխարեն: 2011 թ. բյուջեի ճեղքվածքը կկազմի 7%` 7.6%-ի փոխարեն: Moody’s վարկանիշային գործակալությունը ողջունել է Հունաստանին` ֆինանսական ճգնաժամից դուրս գալու կապակցությամբ: Նույն գործակալությունը հաղորդել է նաեւ, որ «զարմացած» է Աթենքի գործադրած ջանքերով` դուրս գալու ֆինանսական ճգնաժամից:
Հունաստանի կառավարության կանխատեսմամբ` բյուջեի հաջորդ տարվա պարտքը կկազմի 16.28 մլրդ եվրո: Ավելի վաղ Եվրահանձնաժողովը եւ ՄՎՀ-ն կանխատեսել էին, որ այդ ֆինանսական ցուցանիշը կկազմի 18.5 մլրդ եվրո: «Մեր նպատակն է որքան հնարավոր է` արագ ելք գտնել ստեղծված իրավիճակից: Դա դժվար ճանապարհ է, բայց այսքան տարիների ձախողումներից հետո մենք սկսել ենք ապաքինվել ֆինանսական առումով», – հայտարարել է երկրի վարչապետ Պապանդրեուն:
Սակայն միաժամանակ մասնագետներն զգուշացնում են, որ Հունաստանի արտաքին պարքը շարունակելու է աճել: 2010թ. այն կհասնի երկրի ՀՆԱ-ի 132.7%-ի (2009թ.` 115.1%), իսկ 2011թ.` ռեկորդային 142%-ի: