Diageo ալկոհոլային արտադրանքի բրիտանական առաջատարը, որին են պատկանում Smirnoff, Johnnie Walker և Baileys ապրանքանիշերը, համաձայնել է ԱՄՆ իշխանությունների որոշման հետ և բազմամիլիոնանոց տուգանք կմուծի՝ կաշառք տալու համար: Այս մասին հաղորդում է The Financial Times-ը: Թերթը գրում է, որ տուգանքի չափը կարող է հասնել 16 միլիոն դոլարի:
ԱՄՆ համապատասխան մարմնի մոտ կասկած է առաջացել, որ Diageo ընկերությունը Հնդկաստանում, Թաիլանդում և Հարավային Կորեայում կաշառք է վճարել տեղի պաշտոնյաներին: Ըստ նախնական տեղեկությունների՝ կաշառքի գումարը կազմել է 2.7 միլիոն դոլար, ինչի դիմաց ընկերությունը լուրջ առավելություններ է ստացել այդ շուկաներում:
Diageo ընկերությունը համարվում է աշխարհում ալկոհոլ արտադրող ամենամեծ ընկերությունը: 2010թ.-ին ընկերության մաքուր եկամուտը կազմել է 1.743 մլրդ ֆունտ: