Առաջնահերթ ստուգվելու են եւ ռիսկային են համարվելու այն գործարարների գործունեությունը, որոնք իշխանության հովանու տակ են աշխատել, դրանք կոչվում են օլիգարխներ: Այս մասին, այսօր՝ մայիսի 31-ին, ԱԺ-ում լրագրողների հետ զրույցում նշեց «Ծառուկյան» խմբակցության պատգամավոր Սերգեյ Բագրատյանը՝ անդրադառնալով դիտարկմանը, որ կարող են ստուգումներ սկսվել նաեւ Գագիկ Ծառուկյանին պատկանող ընկերություններում:
«Օլիգարխ են կոչվում իշխանության հովանու ներքո աշխատող ձեռներեցները, որոնք պաշտպանված են ուժային կառույցներով, որոնք գործում են մենաշնորհային դաշտում, որոնք որեւէ խնդիր չունեն հարկերը ժամանակին մուծել-չմուծելու հետ, որոնք որեւէ խնդիր չունեն իրենց աշխատողներին գրանցել-չգրանցելու հետ»,-ասաց պատգամավորը:
