Բրիտանացի Լորա Չանգը Վոլսոլ քաղաքից հազարավոր ֆունտեր է ծախսում իր չորսամյա դստեր՝ Լիլի Մեյի գեղեցկության մրցույթների համար: Այս մասին նա պատմել է The Mirror-ին: 23-ամյա բրիտանուհին խոստովանում է, որ երեք հազար ֆունտ է ծախսել իր դստեր զգեստերի վրա՝ գեղեցկության մրցույթներին մասնակցելու համար և չի պատրաստվում կանգ առնել:
Լիլի Մեյը մասնակցում է գեղեցկուհիների մրցույթներին երկու տարեկանից, մոտավորապես ամիսը 2 անգամ: Այս ընթացքում նա մոտ երեսուն հաղթանակ է տարել: Չանգը հերքում է, թե գեղեցկության մրցույթները սեքսուալ են դարձնում իր աղջկան. «Ես նրան տարիքին համապատասխան եմ հագցնում, օրինակ, մինչև երեք տարեկանը ես նրան կարճ թոփեր չեմ հագցրել: Բացի այդ, ես նրան չեմ շպարում, նա առանց այդ էլ լավիկն է»: Այնուամենայնիվ, երեք տարեկանից նա մրցումների ժամանակ արհեստական թարթիչներ է կրում: