Ավստրալիայում Պիթոնը մտել է 12 տարեկան աղջնակի անկողինը և վախեցրել է նրան՝ հասցնելով հիստերիայի: Այդ մասին տեղեկացրել է Daily Mail-ը:
Դեպքը տեղի է ունեցել Քվինսլենդ նահանգի Մաքայ քաղաքում: Ալեյա Մեհերը գնացել է քնելու, սակայն երբ բացել է վերմակը, սավանի վրա գալարված օձ է հայտնաբերել: Աղջիկը բարձր ճչացել և դուրս է վազել սենյակից:
Այնուամենայնիվ, ծնողները չեն սկսել մխիթարել աղջկան, քանի որ դա նրա առաջին հանդիպումը չէր օձերի հետ:
«Մենք մի քանի նման դեպք ենք ունեցել, այնպես որ կատարվածը մեզ համար յուրահատուկ բան չէր: Պարզապես զվարճալի և անսպասելի էր անկողնու մեջ օձ հայտնաբերելը»,- ասել է աղջկա մայրը՝ Սենդի Մեհերը: Նա բարձրացել է աղջկա սենյակ, վերցրել է օձին և ազատ է արձակել նրան:
