Եվրախորհրդի նախագահ Դոնալդ Տուսկը Եվրախորհրդի անդամներին ուղղված նամակում հայտարարել է քիմիական, կենսաբանական և միջուկային անվտանգության ոլորտներում ԵՄ և ՆԱՏՕ համագործակցության ամրապնդման անհրաժեշտության մասին։
«Սոլբերիում գրոհի ֆոնին մենք պետք է ոչ միայն մեր համերաշխությունն արտահայտենք Մեծ Բրիտանիայի նկատմամբ, այլ նաև գործնական հետևություններ անենք, քանի որ այդ միջադեպը մարտահրավեր է նետում մեր ընդհանուր անվտանգությանը»,– հայտարարել է Տուսկը։
Նա նաև նշել է ԵՄ երկրների՝ հիբրիդային գրոհներին, մասնավորապես ինֆորմացիոն ոլորտում գրոհներին դիմակայելու ունակության ավելացման անհրաժեշտության մասին։
Դ.Տուսկն ավելացրել է, որ համատեղ ընթրիքի ժամանակ ԵՄ առաջնորդները կքննարկեն Սոլսբերիում գրոհի վերաբերյալ հետևությունները։