««Երկիր Ծիրանի» խմբակցության կողմից սադրիչ գործողություններ են տեղի ունեցել, այսօր էլ են տեղի ունենում, համոզված եմ, որ մյուս նիստերի ժամանակ նույնպես տեղի են ունենալու։ Այն, ինչ տեղի ունեցավ փետրվարի 13-ին, իրենց հերթական գործողությունների արդյունքում տեղի ունեցավ այն, ինչ տեղի ունեցավ։ Արդյուքում հարուցվել է գործ, գործի քննությունն է ընթանում»,-«Առաջին լրատվական»-ի հետ զրույցում ասաց Երևանի ավագանու ՀՀԿպ-ական անդամ Էդմոնդ Կիրակոսյանը։
Երկիր Ծիրանի խմբակցության անդամ Մարինա Խաչատրյանին ապտակած Էդմոնդ Կիրակոսյանը նշեց, որ ռեֆլեքսիայի արդյունքում է հարվածել․ «Ասեմ, որ դուք էլ չգիտեք, որ վաղը ձեզ որևէ մեկը ապտակի, դուք ինչ կանեք։ Մեր իրավապահ մարմինները նյութի պակաս չունեն, կանչել են, ինձ հարցաքննել են, սպասում ենք պատասխանների»։