«Ի՞նչ ա, հայի-թուրքի կռիվ է, բոլորս էլ հայեր ենք, ո՞նց կարելի է իրար չհարգել, բայց ես կարծում եմ, որ դա կշտկվի, բայց ժամանակը բոլորիս համար շատ թանկ բան է»,-անդրադառնալով Երևանի ավագանու նիստերին տեղի ունեցող լեզվակռիվներին՝ «Առաջին լրատվական»-ի հետ զրույցում ասաց ՀՀ ժողովրդական արտիստ, Երևանի ՀՀԿ խմբակցության ավագանու անդամ, կոմպոզիտոր, դիրիժոր Երվանդ Երզնկյանը։
Ի թիվս մյուս հանրապետականների՝ Երվանդ Երզնկյանը ևս չկանգնեց և չհարգեց մարտի մեկի զոհերի հիշատակը։ Մեզ հետ զրույցում նա նշեց, որ եթե նիստը նվիրված լիներ մարտի մեկի զոհերին, իրենց կսկսեին հենց ոտքի կանգնելով․ «Տասը հոգի զոհվել է, այդ գործը դեռ ավարտված չէ։ Ես չհասկացա, որ դա պետք է անել, և նույնիսկ եթե հասկանայի, չեմ կարծում, որ կանգնելը ճիշտ էր, քանի որ նիստը նվիրված չէր դրան,-հավելեց նա»։
